Zortzi pilotarik parte hartuko du eskuz banakako promozio mailako pilota txapelketan. Iker Salaberria goizuetarra izanen da eskualdeko ordezkari bakarra. Final laurdenetako kanporaketa ortziralean jokatuko du Erasunen kontra, Irungo Uranzu pilotalekuan 22:00etan hasiko den jaialdiko bigarren partidan. Aitzinetik, Zabalak eta Arteagak jokatuko dute bertze kanporaketa bat.
Larunbatean, Bilboko Bizkaia frontoian Elordi eta Aranguren izanen dira aurrez aurre eta igandean, Eibarko Astelena pilotalekuan, Urretabizkaia II.a eta Egiguren V.a.
Txapelketa nagusia bezala, txapelketa azkarra izanen da promoziokoa ere, ez da atzerapenik onartuko eta azaroaren 28an jokatuko dute finala.