Larrialdi zerbitzuek alerta dei bat jaso dute 09:00ak inguruan, eta gertaeraren lekura Nafarroako eta Gipuzkoako suhiltzaileekin batera, ertzainak eta osasun-langile bat ere gerturatu dira. Azken honek, dagozkion egiaztapenak egin ondotik, gizonaren heriotza ziurtatu du.
Istripua gertatu den ingurura iristeko zailtasunak izan dituzte erreskate-taldeek baina, azkenik, Ertzaintzaren Erreskate Unitateak, helikoptero baten laguntzarekin, hildakoaren gorpua atera du eta anbulantzia batek Donostiako Auzitegiko Patologia Institutuara eraman du autopsia egiteko.
