Goizuetako haur eta gazteei bideratutako gune honek aisialdi osasugarria, autonomia, sormena eta ardura bezalako baloreak bultzatzen ditu. Aurten, dena den, garai berrietara egokitutako neurriak hartu behar izan dituzte. Zerbitzuak doakoa izaten segituko du, baina edukiera mugatua egonen denez, galdetegi bidez izena eman beharko da: https://forms.gle/Erdb4WtvD1HmKvSG7. Azaroaren 16ra arte ematen ahalko da izena.
Ludoteka, ordez, multzo ekintzak antolatu dira eta eskolako ziklokako burbuilak mantenduz . Ordutegia honakoa izanen da:
- Astelehena 17:00 -18:00: LH 1 eta LH 2
- Astelehena 18:00-19:00: LH 3 eta LH 4
- Ostirala 17:00-18:00: LH 5 eta LH 6
- Ostirala 18:00-19:00: DBH 1 eta DBH 2
Joko tailerrak, Haur Hezkuntzako haurrei eta haien gurasoei bideratutako zerbitzua hilabeteko azken ostegunetan eskainiko da, arratsaldeko 17:00etatik 18:00etara.
Liburutegiaren kasuan, Leitzako liburutegitik hilabetero liburuak ekarriko dituzte, Goxalin bertan irakurri ahal izateko. Maileguan eskatuz gero, ordea, liburutegi ibiltariaren zerbitzura jo beharko dute hilabeteko azken ostiraletan eskaintzen den zerbitzura joaz (14:30-15:30 Goizuetan eta 15:30-16:30 Aranon).