Leitzako Ibero dorrea Erdi Aroan Nafarroan eraikitako industria-konplexu baten adibide bakanetakoa da, eta, ziurrenik, gure eskualdean kontserbatzen direnen artean industria-egiturarik zaharrena, XIV. mendekoa izan baitaiteke.
Erdi Aroko elementuetatik, gezileihoak eta erdi puntuko sarrerako atea mantentzen dira. Zaharberritze-lanak 2019an amaitu zituzten, eta dorrearen jatorrizko ezaugarriak kontuan izanda egin zituzten. Egurteken sari honek zurezko zaharberritze lanak nabarmentzen ditu.
Kasu honetan, zehazki, zaharberritzerakoan, forjatuen zurezko egitura eta estalkia berritu ziren. Forjatutako bi habe nagusiek 8,30 metroko luzera dute.