Landa Eremuko Emakumeen Nazioarteko Egunaren harira, Araitz, Arano, Areso, Anue, Atetz, Basaburua, Goziueta, Imotz, Lantz, Larraun, Lekunberri, Leitza, Odieta eta Ultzamako emakume baserritarren topagunea eginen dute urrian Leitzan. Hilaren 15ean, ostegunean, dute hitzordua.
LAGA Gizarte Zerbitzuen Mankomunitateak, Bertatik Bertara Dinamikak eta Cederna Garalur elkarteak antolatu duten hitzordua Atekabeltzen eginen dute. Goizez, 11:00etatik 13:00etara bilduko dira.
Aurrera begira egutegia zehaztu eta tailerrak emateko asmoa ere badutela adierazi dute.