Gaiaren inguruan eztabaidatzeko hainbat sektoretako adituak bilduko dituen jardunaldi nagusia urriaren 16an eta 17an eginen dute Iruñean, baina bestelako ekitaldiak ere eginen dituzte hiriburutik kanpo. Hain zuzen, Leitzan eginen dute aurrenekoa, urriaren 8an.
Egun horretan, Nafarroako hainbat eremutako lau alkate mahai-inguru batean bilduko dituzte, 19:00etan udaletxeko batzar aretoan. Nafarroako herriak etorkizunari begira izenburupean, David Campion (Olloko alkatea), Amparo Viñuales (Erronkariko alkatea), Josepe Irigarai (Auritzeko alkatea) eta Koldo Leoz (Lizarrako alkatea) arituko dira eztabaidan, euren eremuak bizi duten egoera aztertzen.
Mahai-ingurua zuzenean
Saioa irekia izanen da baina koronabirusa tarteko, edukiera mugatua izanen da. Bestalde, iragarri dutenez, urriaren 16ko eta 17ko hitzaldiak eta Leitzako mahai-ingurua streaming bitartez jarraitu ahal izanen dira Nabarralderen Youtube kanalean.