Leitza, Goizueta, Areso eta Aranoko Gizarte Zerbitzuen Mankomunitateak 'Erantzunkidetasuna garai hauetan ere...' kanpaina abiatu du. Normaltasun berriak eragindako agertokietan «pertsona guztientzako espazio seguru eta gozagarriak» izatea nahi dute, «berdintasunezko eta erantzunkidetasunezko normaltasun berri baten aldeko apostua eginez, errespetuan eta tratu onean oinarrituta, erantzukidetasunak berdin-berdin banatuz».
Kanpaina horren barne, esku morea erabiltzeko deia egin dute: «oraingo honetan musukoetan jarriz, erasoen aurkako ikur gisa, emakumeen aurkako indarkeriaren eta eraso sexisten kontrako bizitza erantzunkidearen aldeko jarrera erakusteko».