Ekimenean parte hartuko duten dendak Ariztela, Bi pauso, Biok jantziak, Garbi, Kapritxo, Kulunka, Leitza kirolak, Oihana farmazia eta Zortziko izanen dira. Stock asteak iraun bitartean, ohiko ordutegian irekiko dituzte dendak eta bestelako artikuluen salmentarekin segiko dute. Stockeko produktuak bakoitzak antolatutako dendako zatian jarriko ditu ikusgai. Aipatu beharrik ez dago, orain arteko segurtasun neurriak berdin mantenduko direla (eskuak garbitzea sarrera/irteeran, maskarak jantzita eraman beharra, distantziak…)
Leitzako Kaxkabeltza Elkarteak irail hasieran antolatu ohi duen stock azoka ez egitea erabaki du aurten: «jende pilaketak ekidin eta guztion segurtasuna bermatzeko». Horren ordez Stock astea antolatu dute. Irailaren 4tik 12ra elkarteko kideek, norberak bere dendan, salgai hondarrak jarriko dituzte prezio ezin hobean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun