Puro Relajo taldeak kontzertua eskainiko du irailaren 5ean Goizuetan

Puro Relajo taldeak larunbatean emanen duen kontzerturako sarrera guztiak banatu dituzte.

Puro Relajo taldearen mariatxiek girotuko dute iraileko lehenbiziko larunbata Goizuetan. Eskolako frontoian eskainiko dute kontzertua 19:00etatik aurrera. Sarrera guztiak banatu dituzte.

Ateak ordu erdi lehenago irekiko dituzte, 18:30ean, eta sarrera modu mailakatuan eginen dute, hiru ate desberdinetatik. Emanaldiak iraun bitartean nahitaezkoa izanen da momentuoro maskara jantzia izatea.

Sarrera guztiak banatuta

Kontzerturako sarrera dagoeneko esku artean dutenek bakarrik izanen dute emanaldiaz gozatzeko aukera. Herritarrei eman nahi zieten lehentasuna eta horregatik, udalak dohainik banatu zituen sarrera guztiak abuztuaren 28an eta 29an udaletxe azpian. Pertsona bakoitzak hiru sarrera hartzeko aukera zuen. 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun