Urrezko banakako aizkolari txapelketako lehenbiziko finalaurrekoa izanen da Leitzakoa. Ikusmina handia da, iazko irabazlea maila polita erakusten ari den leitzarraren aurka ariko baita.
Gizonezkoen hiru hamarreko harri-jasotzeko txapelketan Imanol Albizu Goikoetxe eta Aimar Galarraga ariko dira. Bi minutuko denboran, 125 kiloko zilindroari, kubikoari eta harri borobilari nork altxaldi gehiago egin neurtuko dute.
Emakumezkoen harri-jasotzeko txapelketako norgehiagoka ere jokatuko dute. Virginia Finolek 63 kiloko hiru harri jaso beharko ditu: zilindroa, kubikoa eta borobila. Pasa den larunbateko kanporaketan 52 altxaldi egin zituen, zilindroa 20 aldiz, kubikoa 13 aldiz eta borobila 19 aldiz jasota.