Kanpaina honekin herriko komertzioei lagundu nahi diete. Udaletik adierazi dute konfinamendu garaian ikusi dela beharrezko zerbitzu guztiak badituztela herrian: «ez zaigu ia deus falta izan. Hemendik aurrera ere herrian kontsumitzen jarraitzea beharrezkoa da zerbitzu hauei eusteko». Bestalde, itxita egon behar izan duten tabernei esku bat bota eta lanean jardun duten guztiei eskerrak emateko modu bat ere bada udalak abiatu duen kanpaina.
Bonuak salgai uztailaren 10ean eta 11n
Bonuak uztailaren 10ean, arratsaldean, eta 11, goizean, salduko dituzte plazan eta uztailaren 13tik aurrera erabiltzeko moduan izanen dira.