'Zer da zuretzat emakumea?' erakusketa parte-hartzailea antolatu dute Leitza eta Goizuetako mugimendu feministek

Emakumeen Egunean jende dezente bildu zen Goizuetan.

Goizueta eta Leitzako mugimendu feministek apirilean egitekoa zuten Zer da zuretzat emakumea? erakusketa parte-hartzailea uztailean eginen dute. Emakume* hitzarekin lotzen ditugun bertsoak, ilustrazioak, poesiak, argazkiak, collageak... bildu nahi dituzte. Lanak uztailaren 17a baino lehen aurkeztu beharko dira sastrakak@gmail.com helbidean, Goizuetako kafetegian edo estankoan edota Leitzako Torrean.

Bildutako lanekin erakusketa egiteko asmoa dute. Goizuetan uztailaren 23tik 26ra labaderoan eta Leitzan uztailaren 27tik abuztuaren 2ra.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun