Leitzan giza katea osatuko dute 20:00etan eta antolatzeko plazan bilduko dira 19:45ean (segurtasun neurriak errespetatutako dituzte). Baztandarrak 20:00etan elkartuko dira, Santiago karrikan; malerrekarrek, berriz, Leitzako errepidea izanen dute bilgune 12:00etan.
Herritarrei Covid-19ak sortutako krisiak hainbat modutan eragin diela jakinik, aldarrikapen guztiak bildu nahi izan dituzte: «normaltasun berria ez dadin izan lehengo normalitatera itzultzea, guk aurrera egin nahi dugu» adierazi du Euskal Herriko Eskubide Sozialen Kartak. Bide horretan, pertsonak, komunitateak eta planeta babestea lehenetsi behar direla aldarrikatu dute, «ez merkatua, etekin ekonomikoa eta jabetza pribatua. Langile eta herri sektoreen interesak erdigunean jartzeko unea da».
Zazpi neurri eskatuko dira: zerbitzu publikoak garatzea (zaintza lanak, osasungintza, administrazio publikoek azpikontrataturiko zerbitzuak eta anbulantzia zerbitzuak), langile publikoaren lan baldintzekin parekatuz; zaintza eredua aldatzea; pobrezia eta banaketa sozialaren kontrako neurriak; 1.080 eurotako diru-sarrera erretiroa hartua duen pertsonentzat; fiskalitate berria; administrazio-egoera irregularrean eta ezkutuko ekonomian lanean ari diren pertsona guztien erregularizazioa.