Euskal Herria Mendi Erronkako argazkiak partekatuta saria irabazteko aukera

Norbera ageri den argazkia edo beste bati ateratakoa partekatu dezakete.

Ekainaren 6an ospatzekoa zuten Euskal Herria Mendi Erronkaren zortzigarren edizioa bertan behera gelditu zen. Data hurbildu ahala, egun horretan izaten den giroa jaso nahi izan dute antolatzaileek eta kirolari zein boluntarioak sare sozialetan erronkako argazkiak partekatzera animatu dituzte. Parte hartzen duten artean mendiko motxila bat zozketatutako dute.

Parte hartu nahi dutenek, aurreko edizio bateko argazkia (norbera ageri dena edo beste bati ateratakoa) topatu beharko dute. Euskal Herria Mendi Erronkak dituen sare sozialen (facebook, twitter edo instagram) jarraitzailea ere izan beharko dute. Argazkia norberaren sare sozialetan partekatu eta Euskal Herria Mendi Erronka etiketatu beharko dute. 

Korrikalari nahiz boluntarioek parte hartu dezakete eta argazkiak ekainaren 6ra arte partekatu daitezke. Zozketa ekainaren 7an eginen dute eta irabazlearen izena sare sozialen bidez jakinaraziko dute ekainaren 8an. 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun