Atzo ilunabarrean, euripean, Goizuetako suhiltzaile boluntarioek kide zuten Lurdes Huizi Perurenari omenaldi hunkigarria egin zioten. Herriko plazan bildu ziren, baita senideak ere, eta minutu bateko isilaldia, bertso bat kantatu eta sirenak piztu zituzten. Herritarrek ere, etxeko leihoetatik txaloak joz esker ona agertu zioten Lurdesi. Konfinamendu garai hauetan hildakoak behar bezala despeditzeko baldintzarik ez dagoenez, «merezitako ekitaldia eta lagunen agurra aurrerago egiteko utzi» dute. Ikusi hemen Martxelo Otamendi Berria egunkariko zuzendariak grabatutako bideoa. Argazkiak: Felix Loiartek utziak.
Lurdes Huizi Perurena borondate handiko herritarra zen. Goizuetako suhiltzaile boluntarioa, euskalgintzako langile nekaezina eta euskal hedabideetan buru-belarri aritu zen: AEKn irakasle eta eskualdeko arduradun, Hernaniko Dobera Euskara Elkartean eta 2004az geroztik ari zen Berria egunkarian.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.