1978az geroztik urtero antolatu du Kultur Aroa ALKEk, hainbat boluntariorekin elkarlanean. Maiatzean hasi eta lau bat astez: hitzaldiak, musika, ikuskizunak, erakusketak, artisau azoka... izan ohi dira egitarauaren parte eta ekain erdialdean Sagardo Egunarekin borobiltzen dute. Uda ondotik, ohiko ekitaldiei eusteko gogoz dira «zuen guztion ohiko laguntzarekin, ea udazken-neguko ekintzak egiteko moduan garen. Eskerrik asko eta eutsi goiari!».