Atzo, apirilaren 14an, atera zuten argazki herrikoiarekin hasi zituzten aste honetako ekitaldiak. Gaur, apirilaren 15ean, inauterietako giroa irudikatu nahi dute. 19:30ean ileorde, kapela, atsaureak... jantzita balkoi edo leihora atera eta Arbola doinua abesteko hitzordua egin dute.
Apirilaren 17an, goizean, Satelite irratia entzuteko aukera izanen da. Sare sozialen edo youtuberen bitartez edota Karrape Irratiaren emisoran, irratsaio berezia entzuteko aukera izanen da eta lehiaketa ere egitekoa dute. Arratsaldean, berriz, pintxo potea izanen da. Pintxo paregabe bat prestatu eta argazki sare sozialetara edo atekabeltz@gmail.com helbidera bidaltzea eskatu dute.
Apirilaren 18an, bezperara arte jasoko dituzten herriko artisten lanekin osatutako erakusketa birtuala ikusteko aukera izanen da.
Bi egunetik behin erronkak
Bi egunetik behin, instagram eta facebooken erronkak luzatuko dituzte Atekabeltzeko kideek.