Zerbitzua 10:00etatik 15:00etara eskainiko dute. Adineko pertsonek, arrisku taldeko pertsonek eta umeak norekin utzi ez dutenek 647 86 21 79 telefonora deitzen badute, laguntza sareko norbait joanen da euren erosketak egitera. Segurtasun neurri guztiak zorrotz beteko direla jakinarazi dute eta zerbitzuaren erabiltzaileei argi azalduko dizkiete zeintzuk diren jarraitu beharreko pausoak.
Boluntario izateko
Boluntario izateko deialdia ere egin dute; Covid19aren sintomarik ez dutenek eta konfidentzialtasuna zainduko dutenei egin diete deia. Beharra dutenei erosketak egiten laguntzeko prest daudenek 647 86 21 79 telefonora whatsapp mezu bat bidali beharko dute martxoaren 26ko 20:00ak baino lehen izen-abizenak jarriz. Segidan laguntza sareko koordinatzailea beraiekin harremanetan jarriko da jarraitu beharreko protokoloa zehatz mehatz azaltzeko.