Jende ugari ibili da Leitzako XII. Stock Azokan

Pagotxaren bila asko izan ziren martxoaren 7an eta 8an Leitzako Amazabal pilotalekura hurbildu zirenak. Kaxkabeltza Elkarteak antolatuta, Stock Azoka egin zuten asteburuan eta udazken-neguko salgaiak prezio berezietan eskuratzeaz gain, saski eder bat irabazteko aukera ere izan zuten erosleek. Azokan parte hartu zuten komertzioetako produktuekin osatu zuten saskia eta Jone Perurena izan zen zozketaren irabazlea. Antolatzaileek eskerrak eman nahi izan dizkiete bi egun hauetan azokara hurbildu diren herritar zein bisitariei.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun