Ezohiko batzarrean, alde batetik, 12. artikuluaren ("bazkideak bere lekua eta eskubideak pasatu ahal izatea heriotza edo eritasun larririk tarteko izan gabe") aldaketa proposatuko dute. Bi deialdi izanen dituzte: 16:30ean lehendabizikoa eta 17:00etan bigarrena.
17:30ean bazkideen ohiko batzarrari eginen diote tarte. Aurreko bilkurari dagokion akta irakurri eta onestearekin batera, oroitza txostena, gastuak eta balantzea, 2020rako aurrekontuen onespena, komisio berriaren aukeraketa, bazkide berrien onarpena eta eskari eta galderen tartea izanen dituzte. 18:00etan bigarren deialdia izanen dute.
Batzarraren aitzinetik, kontuen berri izateko aukera dagoela jakinarazi dute, eta elkartean bertan dagoeneko txostena eskuragarri paratu dute.