Familiei euren egoera berean dauden beste familiekin biltzeko espazio bat eskainiko diete. Bertan adin tarte horri dagozkion gaiak lantzea da asmoa: gurasoen esperientziak partekatzea, kezkak eztabaidatzea eta argitzea, jolas librean aritzea, haur masajea nola egin ikastea, emozioak jorratzea, hipropresiboak egitea edota osasun-gomendioak ezagutzea.
Bi talde, adinaren arabera
Adinaren arabera bi taldetan banatuta ariko dira. Zero eta zortzi hilabete arteko seme-alabak dituztenak, martxoaren 18tik aurrera, asteazkenero bilduko dira; 11:30etik 12:30era, udaletxeko lehenengo solairuan.
Bederatzi eta hemezortzi hilabete arteko ttikiak dituztenentzat, berriz, ordu eta erdiko (11:00etatik 12:30era) lau saio eskainiko dituzte Leitzako kiroldegian: martxoaren 17an eta 31n eta apirilaren 21ean eta maiatzaren 5ean, zehazki.
Izen-ematea
Izen-ematea martxoaren 13ra arte dago zabalik eta plazak mugatuak dira. Dohainik da eta apuntatzeko edo informazio gehiago eskuratzeko Gizarte Zerbitzuen Mankomunitatera, 948 51 08 40 telefonora, dei daiteke.