Martxoan sartzearekin batera, apirileko lehendabiziko larunbatean izanen duten Herri Krosaren XLII. edizioari begira hasiak dira leitzarrak. Antolatzen ari den taldea, azken urteetako garapenaz hausnartuta, ideiak jasotzeko momentua delakoan dago.
Hori horrela, lasterketa bat antolatzeak dakartzan eginbeharretarako ilusioa duen talde bati erreleboa emateko garaia dela uste dute. Horretarako, heldu den martxoaren 5ean, ostegunean, 18:00etan, Aurrera elkartean eginen duten bileran parte hartzeko gonbidapena egin dute.