Goizuetan lehendabiziko sektorean dabiltzan ekoizleekin bilera eginen dute gaur, martxoaren 4an, 18:30ean, udaletxean. Bileraren azken helburua herrian ekoizten diren produktuak sustatzeko eta herritarren arteko salerosketa bultzatzea da.
Horretarako, etxeko babarrunak, barazkiak, oilaskoak, arkumeak... ekoizten dituztenei bertaratzeko deia egin diete. Euren izenak eta ekoizpenaren nondik norakoak bilduz, zerrenda bat egin nahi dute.
Horiek sustatzeko, ahalik eta produktu gehienen informazioa bilduz, eskuorri edo liburuxka bat egin nahi dute. Azaldu dutenez, «liburuxka horretan produktuak agertuko lirateke ekoizleka sailkatua eta nola eskuratu ditzakegun azalduz».