Martxoaren 1ean, 31.edizioa beteko du Lilatoiak. Goizean, 10:30ean abiatuko dira parte hartzaileak Donostiako Bulebarretik eta bertara joan-etorria egiteko doako autobusa jarriko du Berdintasun Batzordeak. Leitzako Plazatik abiatuko dira 09:00etan eta 18:00etan itzuliko dira,Bulebarretik bertatik. Zerbitzua erabili nahi dutenek, otsailaren 24a baino lehenago whatsapp mezu bat bidali beharko dute 674 08 69 26 telefono zenbakira.
Talde giroa askotan korrikarako akuilua izaten denez, elkarrekin entrenatzeko saioak antolatu ditu LAGA Gizarte Zerbitzuen Mankomunitateko Berdintasun Batzordeak. Otsailaren 17an eta 19an egin zituzten lehenbiziko taldeko entrenamenduak eta otsailaren 24an eta 26an elkartuko dira berriz. Leitzako Kiroldegitik abiatuko dira 18:00etan. Nahi duenak entrenamendu gida ere eskura dezake Kiroldegian.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!