Goizean, 08:00 aldera Beltsoko bordatik abiatuko dira zomorrak puska biltzera. Azken urteetan bezalaxe, Izer eta Alabier trikitilariak izanen dituzte bidelagun. Surotik, Bentaberri auzora joanen dira eta gorakoan Xauxar baserritik Latxe aldera eginen dute. Larratxuri baserritik Beheko Herriko etxeetara joanen dira, itzulia herrian bukatzeko. Bidean fandango, arin-arin, kanturik eta konturik ez da faltako.
Eguerdian, bazkaria izanen dute zomorroek eta joan nahi dutenek otsailaren 13a baino lehenago eman beharko dute izena Kontsejun.
17:30 aldera zahagi dantza eginen dute gaztetxoek eta eguna bukatzeko afari herrikoia izanen dute elkartean eta afalondoan bingo musikatua.