Leitzako Udaletxeko ludotekan elkartuko dira asteartean 17:00etatik 19:00etara
Azaroan sortu zuten Leitzaldeko Emakume Taldea eta hilean behin elkartzeko deia luzatu diete Arano, Areso, Goizueta eta Leitzako 44 eta 55 urte arteko emakumeei. Urtarrilaren 14an egin zuten 2020ko aurreneko hitzordua eta bigarrena otsailaren 11n izanen dute. Leitzako Udaletxeko ludotekan elkartuko dira asteartean 17:00etatik 19:00etara.
Lurralde berriak esploratzeko ataria eskaini nahi diete eskualdeko emakumeei. Taldean parte hartzeko ez da deus ordaindu beharko ezta izena eman beharko ere, agertzearekin aski da. Maiatzera bitarte, hilabetean behin elkartzekoak dira. Hurrengo deialdiak martxoaren 10ean, apirilaren 28an eta maiatzaren 26an izanen dituzte.