Arratsaldeko seiak jota abiatu dira Leitzako plazatik Leitza eta inguruko herrietatik joandako ehunka herritar. Lan, bizitza eta pentsio duinak aldarrikatuz itzulia egin dute: Elbarren kaletik, Lopeneko biribilguneraino joan, Amazabaldik segi eta Elbarren kaletik plazara bueltatu dira. Bertan ekitaldia egin dute, mobilizazio egunari bukaera emanez.
Grebaren jarraipena erabatekoa izan da Leitzan, arlo publikoan zein pribatuan. Udal langileek bat egin dute deialdiarekin, baita ikastetxeek eta enpresa handi eta ttikiek ere. Pertsianak jeitsita, grebarekin bat egiten zutela zioten mezuak irakur zitezkeen herriko komertzio guztietan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.