Liburutegi ibiltariaren proiektua aurkezteko bilera deitu dute bihar Areson

Herriz herri eginen dituzte proiektua azaltzeko bilerak.

Liburutegi ibiltaria martxan jarri nahi dute Aranon, Areson eta Goizuetan. Liburutegi fisikoa ez duten herriak dira hirurak eta proiektu honekin liburutegi batek eskaintzen duen zerbitzua hurbildu nahi diete herritarrei. Martxan jarri aurretik herriz herri azalpenak emanen ditu Leitzako liburuzainak. Areson, urtarrilaren 22an, 18:30ean, Udaletxeko goiko solairuan egin dute hitzordua.

Liburutegi ibiltariak bi ibilbide eginen ditu: Aresora, bata eta Arano eta Goizuetara, bestea. Liburuak, CDak, DVDak... maileguan hartzeko aukera izanen dute herritarrek eta irakurzaletasuna sustatu eta informazioa kudeatzeko baliabideak ere eskura izanen dituzte.

Goizuetan otsailaren 7an, Goxalin eginen dute zerbitzua aurkezteko bilera 18:30ean eta Aranon 20:00etan.

 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun