Arrakasta handia izan du Leitzako liburutegiko ipuin-kontaketa saioak

Zure bihotzean  ipuina kontatu zuen Maite Blancok ostegunean Leitzako liburutegian. Begiak eta belarriak zabal-zabalik zituztela, Leitza eta Aresoko hainbat haur eta guraso bildu ziren bertan. Leitzako liburuzainak herritarrei egindako gonbidapenetik sortu zen saioa: «ipuin-kontaketa saio txikiak antolatu nahi ditugu, prestaketa berezirik gabekoak. Lagunarteko giro goxoan ipuinak irakurtzeko ohitura sustatuz».