Haurrentzako masaje tailerra antolatu dute Leitzan

Dohainik izanen da tailerra, lau saiotan banatuta.

Zortzi hilabete bitarteko haurrentzat eta haien gurasoentzat edo zaintzaileentzat masaje tailerra antolatu dute Leitzan. Denera lau saio izanen dira, urtarrilaren 14an eta 21ean eta otsailaren 4an eta 18an. Tailerra dohainik izanen da, Udaletxeko lehenengo solairuan, 11:00etatik 12:00etara. Parte hartu nahi duenak urtarrilaren 13a baino lehenago deitu beharko du 948 51 08 40 telefonora.

Leitza, Areso, Goizueta eta Aranoko Gizarte Zerbitzuen Mankomunitateak antolatu du tailerra eta umeei masajeak egiten ikasi, beraiekin denboratxo bat gustura igaro eta bide batez, umeen zainketari eta heziketari buruzko gaiak, zalantzak eta kezkak partekatzeko aukera eskaini nahi diete parte-hartzaileei.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun