Txapelketari buelta emanez, sari ederrak eskaini zituzten iaz Umore Ona elkarteak antolatutako mus txapelketan. Jendearen erantzuna ere halakoa izan zen, aurreko urteko parte-hartzearekin alderatuz, partaide kopurua bikoiztu egin baitzen. Neurri bereko erantzuna izan du aurten ere. 21 bat bikotek parte hartu zuten joan den abenduaren 31n, arratsaldez, jokatu zen mus txapelketan. Horien artean, Patxi Arozena eta Manolo Lejarreta izan ziren garaile eta sari gisa 100 euro eta opariak jaso zituzten; bigarren postuan Xanti Albistur eta Jesus Mari Mitxelena gelditu ziren eta horiek 50 euro eta oparia jaso zituzten; hirugarren postuan Oihan eta Aimar Zugarramurdi anaiak gelditu ziren eta laugarren Itsaso Lujanbio eta Nekane Elizalde. Hirugarren eta laugarren sailkatu zirenek opariak jaso zituzten sari gisa.