Plazaolako proiektua beste herrialde batzuetan, hala nola Irlandan, Portugalen, Erresuma Batuan edo Frantzian, hautatutako sei proiektuetatik luzeena da. Guztira 63 kilometro ditu, eta Nafarroako Lursarea agentzia du buru, Red Explorarekin harreman estuan, Nasuvinsa sozietate publikoak jakinarazpen batean adierazi duenez.
Proiektuari esker, «azpiegituretako eta egokitzapeneko inbertsioen itzulera sozio-ekonomikoa neurtu ahal izango da, eraginkortasun handiagoko irizpideak zehazteko» eta, gainera, «natur gune horien erabileran hobekuntzak aztertu ahal izango dira, teknologia berriak erabiliz».