Negun Atekan hotzik ez lelopean antolatutako ekitaldietan giro ederra izan dute. Inauteriak antolatzeko bilerarekin hasi zuten aroa. Haur, gazte eta helduek taloak egiten ikasteko eta dastatzeko parada izan zuten atzo. Urte bukaeran sartuta, hurrengoari begira daude dagoeneko.
2020aren hasiera «misteriotsua» izanen dela iragarri dute. Pistaz pista, Atekabeltzeko misterio argitzeko erronka luzatu dute. Ilbeltzaren 3an, ostiralean, Scape Rooma antolatu dute Atekabeltzen 18:00etatik aurrera. Antolaketa lanak errazteko, joko honetan parte hartu nahi duenak Torrean jarritako zerrendan izena eman beharko du.