Urteko azkeneko larunbatean, abenduaren 28an, 08:00etan egin dute hitzordua autobus geltokian. Bertatik, Zuparrobi eta Kornietako gainetara igoko dira, handik herrira itzultzeko. Ondoren, ongi irabazitako bazkaria izanen dute Orain elkartean. Bazkalondoan, urteari errepasoa eginez, argazki-emanaldia antolatu dute. Hitzordua baliatuta, heldu den urteko asmoez ere hitz eginen dute.
Joan nahi duenak Maimur eta Astiz liburu-dendetan edo mendibilaurrera@hotmail.com helbidera idatzita eman beharko du izena, abenduaren 26a baino lehenago.