Negun Atekan hotzik ez lelopean, urtaro aldaketari aurre egiteko eta gorputzak berotzeko ekitaldiak antolatu dituzte Leitzan. Igandean, abenduaren 22an izanen dute lehendabiziko hitzordua eta inauterietako atsaurea erabakitzeko eta karaokea egin edo ez egin adosteko bilduko dira, 18:00etan.
Ondoko igandean, abenduaren 29an, izanen dute hurrengo hitzordua. Kasu honetan, talo tailerra eginen dute. Ikasi, egin eta dastatu. 17:30ean haurrek eta 19:30ean gainerakoek parte hartu ahal izanen dute. Segidan, joko mundiala eginen dute.
2020ari hasiera misteriotsua emanen diete leitzarrek. Izan ere, ilbeltzaren 3an Scape-room bihurtuko dute Atekabeltz gaztetzea. Antolatze lanak errazte aldera, parte hartu nahi dutenei Torrean izena emateko dei egin diete.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.