Julen Alberdi Txikia IV.ak lortua du dagoeneko finalerako txartela. Urrestilla galtzaile suertatzen denak beste aukera bat izanen du, Mendaroko kanporaketan galtzaile izan zen Eneko Otañoren kontra. Bi hauen arteko lehiako irabazleak ere lortuko du finalean sartzea.
Aizkolariez gain, Gabonetako harrijasotze txapelketako eta emakumezkoen ingude txapelketako saioa ere jokatuko dute Urrestillan. Harrijasotzen Mateo Coloma donostiarra eta Beñat Telleria lasartearra izanen dira aurrez aurre. Ingude altxatzen, berriz, Iruñeko Virginia Finol eta Getxoko Nerea Egurrola ariko dira.