Leitzaldeko Elektro Fanfarrea osatzeko bilera antolatu dute azaroaren 29an

Ttipi-Ttapa 2019ko aza. 27a, 07:30
Hamabi urtetik gorako edonor izan daiteke Fanfarreko kide.

Leitza eta inguruko musikariei luzatu diete Leitzaldeko elektro fanfarrea osatzeko gonbidapena: «edozein musika tresna jo, abestu edo erritmoa eramateko prest egon, 12 eta 99 urte artean izan eta taldean ongi pasaz musikaz gozatzeko gogoa duen orori luzatu nahi diegu taldeko kide izateko gonbidapena». Proiektuaren berri emateko bilera eginen dute ostiralean 18:00etan Amazabalgo musika gelan.

Proiektuan parte hartzeko interesa eduki, baina bilerara joan ezin dutenek amazabalge@gmail.com helbidera idatzita eskura dezakete informazio gehiago.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun