IV. Umore Ona Pilota Txapelketaren bigarren jardunaldia jokatu dute

Ttipi-Ttapa 2019ko aza. 11a, 10:30
Deskargatu Info Ahotsak :
Español English Français Català Galego

Ostiralean, azaroaren 8an, Goizuetako IV. Umore Ona Pilota Txapelketaren finala jokatu zuten. 17:30ean hasi ziren Umore Onako umeen arteko partidak. H. Aranberri eta E. Aranberri Manel Seges eta M. Zurutuzaren aurka aritu ziren eta aranberritarrak nagusitu ziren (8-18).

Ondotik, Jon Larin eta M. Garmendia A. Legarreta eta Josu Alsuaren kontra aritu ziren. Lehenbizikoak izan ziren garaile (18-16).

Umeei kimuek hartu zieten lekukoa. Oiarpeko U. Sanzberro eta U. Zelaiaran Aurrerako A. Zubillaga eta O. Alkortaren aurka aritu ziren. Oiarpekoak nagusitu ziren.

Haurretan bi partida izan ziren ikusgai. Hernaniko A. Elizazu eta X. Iturbe Aurrerako Sagastibeltza eta Larraungo J. Sotilen kontra aritu ziren. Hernani klubekoak 09-18  nagusitu ziren.

Aurrerako Ijurko eta Larraungo E. Galartzak Umore Onako Legarreta eta Elizegi izan zituzten aurkari eta Umore Onakoek 18-7 irabazi zuten.

Azkenik, 22 urtez azpikoek itxi zuten bigarren jardunaldia. Larraungo I.Galartza eta I. Gurrea Bergarako A.Oteiza eta H.Oterminen aurka aritu ziren. Larraungoek 22-17 irabazi zieten.

Kirola Leitzaldea Goizueta

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!