Gasteizko Iradier Arenan jokatuko da finala eta 12:00etan hasiko da. Aizkolari bakoitzak 54 ontzako lau enbor, 60 ontzako bertze lau enbor eta 72 ontzako lau enbor ebaki beharko ditu.
Jon Rekondok urriaren 5ean jokatutako kanporaketan lortu zuen finalerako txartela. Saio hartan seigarren egin zuen leitzarrak eta bost segundoko aldearekin lortu zuen finalera sailkatzea. Rekondok 21 minutu eta 18 segundo behar izan zituen lanak bukatzeko eta zazpigarren gelditu zen Jesus Mari Mujikak 21 minutu eta 23 segundo.