Euskararen ezagutza ezinbestekoa izanen da eta hautagaiek gida-baimena eta Batxilergoko titulazioa, bigarren mailako lanbide-heziketa edo baliokidea eduki beharko dute. Oposizio-lehiaketa bidez eginen dute aukeraketa eta horretarako hautagaiek jubiloteka proiektua egin eta aurkeztu beharko dute.
Kontuan hartuko dute, lanpostuarekin erlazioa duten ikasketak izatea (psikologia, hezitzailea, gizarte-lana, pedagogia, animatzaile sozio-kulturala, erizaintza, erizaintzako laguntzailea, gizarteratze-teknikaria...) baita orain arteko lan-esperientzia ere (etxez etxeko zerbitzuan, erresidentzian, jubilotekan, hirugarren adineko zentroetan...).
Lan-eskariak Leitza, Goizueta, Areso eta Aranoko Gizarte Zerbitzuen Mankomunitatean aurkeztu behar dira, urriaren 21eko 13:30 baino lehen.