Argazkietan bilduta Leitzako Aurrera Eguna

Pesta egun handia dute gaur, urriak 5, Leitzako Aurrera Elkartekoek eta bazkide izan edo ez, gozatzeko aukerarik ez da falta. Pilota partidak, erraldoiak, haurrentzako zaldi ibilaldiak, dantza taldearen emanaldia... izan dituzte goizean. Pesta giroa baliatuta, omenaldietarako tartea ere hartu dute. 1988an Aurreraren alde egindako aizkora jaialdian parte hartu zutenei esker ona adierazi nahi izan diete. Jendetza bildu da eta atzera galtza txuriak jantzita, aizkoran aritu denik ere izan da. Poteoan eman diote segida pestari eta mahaiaren bueltan bilduak daude orain, luze joko du ospakizunak. Argazkiak: E. Iraola

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun