Mendialdea Mankomunitateak peoien eta peoi/gidarien lan-poltsa osatzeko deialdia egin du

Langileek Mendialdea Mankomunitateak lan egiten duen eremuko zabor-bilketaz eta tratamenduaz arduratu beharko dute.

Interesa dutenek urriaren 9ra arte izanen dute izena emateko aukera

Mendialdea Mankomunitateak peoien eta peoi/gidarien lan-poltsa osatzeko deialdia egin du etorkizunean laneko bajak edo hutsik dauden postuak betetzeko. Oposizio-lehiaketa bidez osatuko dituzte zerrendak eta lortutako puntuazioan oinarrituta, peoi/gidarientzat lan-poltsa bat eta peoientzat beste bat osatuko dute.

Langileek Mendialdea Mankomunitateak lan egiten duen eremuko zabor-bilketaz eta tratamenduaz arduratu beharko dute.  Hondakinen bilketa-berezia eta birzikatze guneak kudeatzea, organikoen tratamendua eta Mendialdea Mankomunitateko instalazio eta ibilgailueen mantenua ere euren gain izanen dute, baita hondakinen garraioa ere. Astelehenetik ostiralera, 06:00etatik 13:20ra izanen da lanaldia eta hilean 1903,52 euroko soldata gordina jasoko dute (14 ordainsari). Xehetasun gehiago mendialdea.eus web orrian edota Mendialdea Mankomunitatera deituta eskura daitezke.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun