Hamabi pilotarik hartuko dute parte txapelketan. Urriaren 4an hasita, final-zortzirenetako lau kanporaketa jokatuko dituzte, eta horren ondotik, bi taldetan banatuta final-laurdenetako bi ligaxka. Hor sartuko da Oinatz Bengoetxea (Leitza, 1984) txapelketara. Urriaren 13an Ezkurdiaren kontra ariko da Lekunberrin eta Gernikan urriaren 18an jokatuko du. Azaroan sartuta, bi finalerdi jokatuko dituzte eta finala Iruñean eginen dute, azaroaren 17an.