Ez da proba lehiakorra izanen eta Leitzako kaskoak zeharkatuz osatuko dute itzulia. Bidean, edariak eskainiko dizkiete parte-hartzaileei bi puntutan, Basakabin eta Uitziko gainean eta helmugan ere ez dira jan-edanak faltako. Parte-hartzaileen erosotasunari begira, dutxak, bizikletak garbitzeko mangerak, aparkalekuak... prestatuko dituzte.
Kirolprobak.com atariaren bitartez bakarrik eman daiteke izena eta irailaren 22ra arte dago horretarako aukera. Federatuek 15 euro eta federatuak ez direnek 18 euro ordaindu beharko dituzte. Antolatzaileek emakumeak animatu nahi dituzte, «orain arte izena eman duten guztiak gizonezkoak dira eta».