Nahi duen orok bisita dezake lantegia, baldintza bakarra 10 urtetik gora izan eta aldez aurretik izena ematea izanen da. Horretarako, interesa duenak irailaren 9a baino lehen 620 86 14 77ra deitu beharko du, astelehenetik ostiralera 09:00etatik 17:00etara.
10:00etan irekiko dituzte ateak eta 17:30 arte taldetan banatuta antolatu dituzte bisitak. Zuzendariak harrera eginen die, fabrika osoa bisitatu eta erakusketa bat ere jarriko dute garai bateko argazki eta piezak biltzen dituena. Gaur egungo eta garai bateko lantegia erakusten duen bideo bat ere prest dute.