Partida hasi baino lehen, Aurrera pilota eskolako pilotariek egindako bidetik pasatu zen Jaunarena eta gero, Zubietako joaldunek (tartean bere lehengusuak ere) joareak astinduz egin zioten agurra eta zapia jarri zioten, baita lore-xorta ere. 335 partida jokatu ondotik, 27 urte besterik ez dituela utzi behar izan du pilota profesionala Jon Jaunarenak, eskutako minen ondorioz.
Leitzako Amazabal pilotalekuan jokatutako partida nagusian, Altuna III.ak eta Ladis Galarzak 22-15 irabazi zieten Ezkurdia eta, 18 eguneko geldialdiaren ondotik, berriz ere zuriz jantzi zen Zabaletari.