Leitza, Goizueta, Areso eta Aranoko Oinarrizko Gizarte Zerbitzuaren eskutik, ‘Festetan ere burua erabili’ kanpaina abiatu da. Herrietako taberna eta txoznetan, Preserbatiboak, alkoholimetroak eta arduraz kontsumitzeko adierazten duten gomendio-kartelak jarri dituzteeta materialak bertan utzi dituzte, haien beharrean daudenentzako.
Kontsumituz gero ematen dituzten aholkuen artean, edan aurretik ongi jateko, graduazio baxuko edariak hartzeko, mantso edateko, deshidratazioa saihesteko ura eta janaria tartekatzea, edari alkoholdun ezberdinak ez nahastea eta ez kontsumitzeko norbere aukera defendatzea daude. Kotxerik ez hartzeko ere gomendatu, taxia eta autobusa erabiltzeko.