Larunbatean, hilaren 20an, afari autogestionatua izanen dute. Afalondoan, 23:30ean, Eñaut Zubizarretak, txelo-joleak Trigger proiektua oholtzaratuko du. Bertaratzen direnek musika doinu goxoez gozatzeko aukera izanen dute.
Uztailaren 23an, asteartean, Euskandalosaren eskutik, ipuin-kontalaria izanen dute; eta, bide batez, Julio Cortazarren literatura aztertuko dute. 18:30ean zehaztu dute hitzordua.
Uztailaren 25ean, ortzegunean, 22:00etan, Anabel Urkiolaren eskutik, masaje tailerrean bilduko dira. Biharamunean, uztailaren 26an, 40 ordu filma proiektatuko dute, 22:30ean.
Urteurren pesta, uztailaren 27an
Ospakizunak uztailaren 27an, larunbatean, borobilduko dituztem egun osoko pestarekin. 10:30ean lehertuko da pesta egun handiari hasiera emanen dion txupinazoa. Goiz erdian, 11:30ean, binakako erraketa saio mundiala izanen dute plazan.
14:30ean bazkaltzeko bilduko dira. Bazkarira joan nahi dutenek, txartelak Torrean eros ditzakete, 10 eurotan. Ondoren, Atk tribialean ariko dira.
18:00 karropoteoan abiatuko dira eta herria bizitzeko jokoak eginen dituzte.
21:30ean luntxa eskainiko dute eta mokadutxo batzuk jan eta indarrak berrartuta, kontzertuekin borobilduko dute eguna. Sodade, Gorpuz KIngz eta DJ Irain taldeen erritmora mugituko da herria.
