Leitzako pestetan pilota partidak ikusteko sarrerak salgai

Jaunarena, Retegi Birekin bikote osatuz, Etxeberria eta Bikuñaren aurka ariko da. Argazkia: Aspe.

Uztailaren 17an, 19an eta 25ean arratsaldez, 19:30etik 20:30era; eta uztailaren 27an goizez, 12:00etatik 13:00etara, Aurrera elkartean erosi ahal izanen dira.

Leitzako pestetako egitarauaren barrenean, abuztuaren 13an, Amazabal pilotalekuan pilota partidak izanen dira. 19:30ean hasita, eskuz binaka Retegi Bi eta Jaunarena P. Etxeberria eta Bikuñaren aurka ariko dira; eta ondotik, Ezkurdia eta Zabaleta Altuna III.a eta Galarzaren kontra lehiatuko dira. Sarrerak salgai jarriko dira gaur. Aurrera elkartean erosi ahal izanen dira, 19:30etik 20:30era. Toki eta ordu berean eskuratzeko aukera izanen da uztailaren 19an eta 25ean, ostiralean eta datorren ostegunean.

Uztailaren 27an 12:00etatik 13:00etara ere eskuratu ahal izanen dira. Eta ondotik, hilaren 29tik aurrera, Maimur liburutegian salduko dituzte (30 eurotan). Egunean bertan leihatilan 35 eurotan erosi ahal izanen dira.

 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun