Egitarauari dagokionez, egun osoko pesta antolatzen ari dira; 12:00etan hasi eta ordu txikiak arte luzatuko da eguna. Frogapotearekin hasiko dute eguna eta 14:55 aldera brindise eginda, bazkarian bilduko dira. Txartelak Peritzan eta Torrean eskura daitezke, 10 eurotan. Bazkalondoan, bingo musikatuak, jolasean eta solasean aritzeko, eta mojitoak, zintzurrak bustitzeko, izanen dituzte.
Arratsaldez eta gauez gehiago!
Arratsaldez eta gauez musikak girotuko du herria. 18:30ean Elektrotxufla elektrotxaranga izanen dute eta 23:30etik aitzinera Skabidean&The Black Birds (Iruñerrian sorturiko ska, reggae eta rocksteady taldea) eta Kop (hardcore-punk estiloko Kataluniako taldea). Azkenik, 02:00etatik aitzinera DJ Reimyk girotuko du gaztetxea.